2014ko Udal aurrekontua onartu zan uztaileko Plenoan eta, horren arabera, Euskararen sustapenerako 2014an daukagun behin-betiko aurrekontua moldatu ahal izan dogu. Horrek ez dau esan gura geldirik egon gareanik, 2013ko aurrekontu prorrogatuagaz ekin deutsagu orain arte eta.

Iazkoaren aldean, 2014an igoera apur bat izan da, baina gehiagoko hori 2013ko zorrei aurre egiteko erabili behar izango dogu.

Krisiaren eragina nabarmen da azken urteotan, udal saila guztietan izan dira murrizketak. Dana dala, udal aurrekontuan euskararen sustapenerako partiden pisua mantendu egin da: 2013an %.2,93 eta 2014an %2,80.

Hona hemen helburu estrategikoka aurrekontuaren banaketa (kontuan hatzekoa da "Euskerearen erabilerea" deitzen deutsagun helburuagaz lotuta dagoela Euskera Zerbitzuko gizabaliabideen kostoa, 200.000 euro):