Gernika-Lumoko Euskara Zerbitzua

Gernika-Lumoko AHOTSAK

Bertoko 80 urte inguruko 72 lekukoren bizipenen kontuak grabatu, digitalizatu eta interneten ikusgai/entzungai dira

Albisteak

Albisteak �
EUSKARA IKASTEKO DIRULAGUNTZAK (2024-2025 IKASTURTEA)

EUSKARA IKASTEKO DIRULAGUNTZAK (2024-2025 IKASTURTEA)

2025-03-26

2024-2025 ikasturteko dirulaguntza deialdia martxan, euskara ikasteko (euskaltegietan) zein euskaraz trebatzeko (unibertsitatean ikastaroak egiteko) eta gidabaimena euskaraz lortzeko:

Gernika-Lumon enpadronatuta daudenei eta 16 urte baino gehiago dituztenentzat dira dirulaguntzak. Bi motakoak dira: dirulaguntza zati bat matrikula ordaintzeagatik eskatu daiteke ikastaroa hasi eta hilabeteko epean; bigarren zatia asistentziagatiko (aprobetxamendua) dirulaguntza da, ikastaroa amaitu eta hurrengo hilabeteko epean eskatu daitekeena. Gidabaimenagatik diru-aguntza bakarra dago azterketara aurkezteagatik (teorikoa eta praktikoa), gainditu ala ez.

DIRULAGUNTZAK EUSKARA IKASTEKO ETA EUSKARAZ TREBATZEKO

Zer laguntzen da deialdi honen bidez?

Euskalduntze eta alfabetatze ikastaroak (HABEk homologatutako zentroetan egindakoak); ikastaroaren matrikula eta asistentzia.
Gidabaimena ateratzeko azterketa euskaraz egitea.
Unibertsitatean uda eta opor sasoian egindako euskarazko ikastaroak.

Zein baldintza bete behar ditut?

16 urte edo gehiago izatea ikastaroaren hasieran (ziklomotorretarako gidabaimenaren kasuan 14 urte beteta izatea).
Gernika-Lumon erroldatua egotea edo Hitzargune programako kide den erakunde bateko langilea edo bazkidea izatea.
Izena emandako euskaltegian amaitzea ikastaroa.
Dirulaguntza eskatzen den urratserako edo ikastarorako aurretik beste dirulaguntzarik jaso ez izatea.
Asistentziagatik dirulaguntza jasotzeko, %70eko asistentzia betetzea.

Noiz egin behar dut eskabidea?

Ikastaroan matrikulatu eta hilabeteko epean edota ikastaroa amaitu eta hilabeteko epean.

Zein dokumentu aurkeztu behar dut?

Eskabide-orria beteta.
Asistentziagatiko dirulaguntza jasotzeko, euskaltegiak egindako ziurtagiria.
Matrikulatutako euskaltegiko ikaslearen fitxa.
Matrikula ordaindu izanaren agiria.
Kasua balitz, langabetu txartela edo egiaztagiria.
Lanean ari direnentzako, azken errenta aitorpenaren fotokopia.
Erroldatua izan ezean, HITZARGUNE kanpainako erakundeko langilea edo kidea deneko egiaztagiria.
Unibertsitate mailako ikastaroa bada, erakundearen ziurtagiria eta ikaslearen fitxa.
Gidabaimenaren kasuan, azterketa euskaraz egiteari buruzko ziurtagiria.

Non aurkeztu behar ditut dokumentuak?

Aurrez aurre: herritarrentzako arreta zerbitzuan (HAZ).
Modu telematikoan: Udalaren web orrian, tramiteak atalean.

Oharra: Aita Villasante Udal Euskaltegiko ikasleek ez dute asistentziagatiko dirulaguntza jasotzeko eskubiderik, bertan eskaintzen delako beka sistema.