Jaiotza-tasa defizitarioa dugun herri honetan badugu pozteko arrazoirik, erditze zoragarri baten berri izan ondoren; Karlos Gorrindo idazle gernikarrak “Ezpainak arrainak bezala” eleberria kaleratu du. Karlosentzat ez da erditze bakarra, literatura ekoizpen horri eusten diolako bere hamaikagarren lan honekin. Zorionak gure lankideari.

Donostian iragan urriaren 23an izan zen aurkezpenaren ondorioz hauxe argitaratu da: “Obsesio baten istorioa da eta maitasun batena. Baita desamodioarena ere, eta luzamenduak eragiten duen desgastearena.”

Berak idazleak ere esana da hauxe: “Aspaldiko proiektua da, bakarrizketa moduan idatzia, lehenengo pertsonan; protagonistaren bitartez kontatu dut istorioa”… “Sentimenduez hitz egitea lehentasuna da niretzat”.

Gernika-Lumon ere aurkezpena izango da azaroaren 12an, iluntzeko 19:30ean Kultur Etxean, lagun, herrikide eta lankide guztiok berekin partekatzeko une gozoa.