Gernika Bigarren Hezkuntza Institutuko lau ikasle saritu dituzte aurtengo Urruzuno literatur lehiaketan. Aurreko urteetako uztari  aurten gehitu zaiona ez da makala.

“Urruzunotarrak gehituz ekimena” euskaraz idazteko zaletasuna gure gazteen artean sustatzeko sortu zen irakaskuntza munduko lehiaketa dugu, Eusko Jaurlaritzako Hezkuntza Sailak antolatua. Euskal Autonomi Erkidegoko eta Nafarroako ikasleek parte hartzen dute bi kategoria desberdinetan (prosa/poesía), DBH 3-4 eta Batxillergoko 1-2 mailetan edo Erdi Mailako zikloa ikasten dabiltzanek.

Aurtengo epaimahaikideak honako hauek izan dira: Urtzi Urrutikoetxea, Castillo Suarez, Miren Agur Meabe, Katixa Agirre eta Leire Bilbao.

2013ko txandan, saritutako 20 lanen artean, lau Gernika BHIko ikasleenak: A kategorian, prosan, batxilergoko Ane Miren Arejita Abaitua eta Sara Abaunza Urionabarrenetxea gernikarrak ; B kategorian, prosan ere, DBH 4. mailako Lurdes Ondaro Mallea munitibartarra eta Katalin Ibarzabal Galarza gernikarra.