Gernika-Lumoko Euskara Zerbitzua

Gernika-Lumoko AHOTSAK

Bertoko 80 urte inguruko 72 lekukoren bizipenen kontuak grabatu, digitalizatu eta interneten ikusgai/entzungai dira

Albisteak

Albisteak �
"Gernika-Lumoko Udalak euskeraz eta....ZUK ZERGAITIK EZ?" kanpaina

"Gernika-Lumoko Udalak euskeraz eta....ZUK ZERGAITIK EZ?" kanpaina

2015-11-19

Pentsaturik herritarren eta Udalaren arteko harreman idatzian desoreka nabarmena zegoela, astindua emateko ordua zela otu zitzaigun 2012an. Horretarako, “UDALAK EUSKERAZ…, ETA ZUK ZERGAITIK EZ?” kanpaina garatu genuen.

Lelo berberari eutsiz, 2013an ekin genion helburu berdinekin eta gehitu ere beste administrazioekiko harremanen hizkuntza tratamendua jorratzea.

Orain, 2015ean, jarraipena eman gura diogu kanpainari 2012tik 2015erako bilakaera positiboa kontuan hartuta (herrritarrek Erregistroan sartu dituzten euskara hutsezko idatzien portzentajea: 2012an %19 eta 2015ean %25).

Helburu orokorrak

Ahozko eta, batik bat, idatzizko euskararen erabilera areagotzea herritarrek eta erakundeek udalarekin dituzten harremanetan.
Euskaraz funtzionatzeko, Udalak dituen baliabideez herritarrak jabetzea.
Udal erakundeak euskararekiko duen konpromisoa berrestea herritarren eta gainerako erakundeen aurrean.

Kanpainarako publizitate euskarriak

Publizitate euskarria, bi orrikoa (6.000 ale), Udalaren konpromisoa eta herritarrenganako /eragileenganako mezua azaltzeko. Postontzietan banatzekoa.
Bandoa (400) atari guztietan.
Gutuna (300 bat): udalei, gainerako erakunde publikoei eta hitzarmengintza kanpainako kideei (enpresak, merkataritza, elkarteak).
Oiz-mendi telebistarekin lau bideo labur prestatu eta eskaini publizitate tarteetan.

Beraz, gure gonbitea herritarrei, udalarekiko harremanetan euskararen aldeko apustua egin dezaten eta eskaera beste administrazio erakunde guztiei, Gernika-Lumoko udalarekin euskara hutsezko harremanak jorra ditzaten.