Gernika-Lumoko Euskara Zerbitzua

Gernika-Lumoko AHOTSAK

Bertoko 80 urte inguruko 72 lekukoren bizipenen kontuak grabatu, digitalizatu eta interneten ikusgai/entzungai dira

Euskara batzordea

Euskararen erabilpenerako udal ordenanatza irudia

Euskara Batzordearen HAZIA 1991n landatu zen, Euskararen Erabilpenerako Udal Ordenantzaren 28. artikuluan:

Euskararen normalizaziorako udalaren azpiegitura irudia

“... etorkizunean har daitezen neurrien zuzendaritza eta jarraipenaz Udaleko Euskara Zerbitzua arduratuko da eta Udalak barne antolamendu sistemaren barruan euskarari buruzko politikarako Delegazio bat izango du.

Euskara Arlorako Delegazioan Euskara Batzorde bat eratuko da,....., Gernika-Lumoko Udalerrian diharduten pertsona, elkarte, erakunde eta gizarte esparru ezberdinen eztabaidarako elkargune izango da,..."

Harrezkero, bere dinamika etengabea izan zen 1998ra arte edo. Bi urteko etena izan ondoren, 2001ean ekin zitzaion berriro, Plan Estrategikoak eta Kudeaketa Planen sasoia iritsi zenean.

Gernika-Lumoko Udalaren Euskara Aholku Batzordea

Batzarkideak: Ikus aktak orriaren amaieran.

Funtzioak:

Batzorde Orokorrarenak:
- Plan Estrategikoak eratzeko egitura aztertu eta ekarpenak jaso.
- Urteroko Kudeaketa planaren hausnarketa egin eta aurrekontuaren zirriborroa finkatu.
- EBPNri lotutako egitasmo nagusiei eta lehentasunei onespena eman.
Esparrukoak:
- Euskalduntze-alfabetatzeko bilgunea:
  - BerbalagunekoTalde Eragilea: 2004an sortu zenetik, bi hilabeterik behin biltzen da (Euskara Zerbitzua, Udal Euskaltegia, Gernikako AEK, Busturialdean Euskaraz Bizi Elkartea).
- Irakaskuntzako bilgunea:
  - Udal Eskola Kontseilua: 1991ean eratu zen eta ikasturteari hasiera ematerakoan, irailean, bi batzar egiten ditu. Gero urtarrilean berriro biltzen da. Etorkinei begirako egitasmoa daukagunetik (2005) beste bi batzar gehiago izaten ditu (abenduan eta otsailean) euskaltegiekin batera. Kontseilu horretan udalerriko zentro guztiek hartzen dute parte.
- Arlo sozioekonomikoari begirakoak:
  - Enpresa eta merkataritza arloko Talde Eragilea: batzarrak urtarrilean, ekainean eta urrian (Euskara zinegotzia, Euskara Zerbitzu-burua, Euskara dinamizatzailea eta Artez enpresako teknikaria).
  - Bai Euskarari ziurtagiria / Talde Eragilea: Kontseiluarekin eta Ziurtagiriaren elkartearekin 2008an sinaturiko hitzarmenak bitarteko, Gernika-Lumoko Udalarekin elkarlanean ziurtagiria bera eta honekin loturikoak garatzeko Talde Eragileak dihardu (Euskara zinegotzia, euskara dinamizatzailea, Gernikako AEK, Busturialdean Euskaraz Bizi Elkartea, Seber Altube Ikastola).
- Etorri berri helduen inguruko hausnarketarako bilgunea: 2011n Euskara Batzordeak onartu zuen berau sortzea, etorkin helduei begirako hausnarketa burutu eta lan ildoak Euskara Batzordean proposatzea helburu. Kideak: Euskara zinegotzia, HNT 1 (euskara teknikaria), Udal Euskaltegia, AEK Euskaltegia, Inmigrazio teknikaria).

Bilerak (Dinamikaren bilakaera):

1991tik 1998ra bitartean, Euskara Batzodea maila politikoan baino ez zen bildu, Udaleko Batzorde Informatibo arrunten antzera. Hortik aurrera, gizarte eragileen partaidetza landu zen.

I. Plan Estrategikoa eratzeko aurreko pausuak:
- 2001eko martxoaren 28ko batzarrean eratu zen Euskara Batzordea hurrengoak finkatzeko:
  1.- Batzordearen eraketa formala.
  2.- Euskara Batzordearen jarduerarako irizpide nagusiak finkatzea.
- 2001ean eta 2002an dinamika horrek jarraipena izan zuen.
I. Plan Estrategikoa eratu orduko Euskara Batzordekideen ekarpenak jasotzea
- 2003ko martxoaren 26ko batzarrean erabakitakoa:
  GAI BAKARRA.- Gernika-Lumoko EBPN-ren Plan Estrategikoaren zirriborroa aurkeztea eta batzordekideen ekarpenak aztertzea. 2003ko apirilaren 30ean Udalbatzak onartu egin zituen Gernika-Lumoko Euskara Biziberritzeko Plan Estrategikoa (2003-2005) eta Gernika-Lumoko Udal Administrazioko Euskara Plana.
Behin I. Plan Estrategikoa eratu eta onartua izan ostean, urteroko Kudeaketa Planen jarraipena
- 2004 eta 2005 urteetakoak:
  2004ko jarraipena normala izan bazen, 2005ekoa ezin izan zen bete, Euskara Arloko Arduradun politikoaren arazo partikularrak bitarteko. Beraz, Euskara Batzordeak ez zuen bilkura orokorrik izan. Bai izan ziren Euskara Batzordekideekin esparruka ospatutako batzarrak:
  - Irakaskuntza esparrukoekin.
  - Euskalduntze-alfabetatze esparrukoekin.
  - Administrazioko Erabilera Planean ere badihardu (Talde Eragilekoekin eta mikroplanak abian zeuden erakundekoekin).
  - Komunikiabideetako eragileekin.
  - Aisialdiko eragileekin (Gazte Plana eratzeko bilguneak bitarteko).
  - Kultura arloko eragileekin.
  
  Egoera hori mantendu zen 2008ra arte.
2007-2011 legealdia. Euskara Batzorde Orokorra berpizteko dinamika.
Legealdi berrian gaude eta Euskara Batzorde orokorrak bere dinamika berreskuratu du 2008ko urriaren 15eko batzarra egin zuenetik. Ezaugarriak:

- Batzorde irekia, erakundeek zein nor-banakoek parte hartu eta ekarpenak egiteko aukera izanik.
- Urtean 3 edo 4 batzar plenario egiteko planteamendua.
- Gai nagusiak eztabaidatu eta adosteko foroa: euskararen normalizaziorako lehentasunak finkatzeko orduan, urteko aurrekontuaren zirriborroa zehazterakoan, ...